- 阿仙奴進攻太倚賴布卡約沙卡同馬田奧迪加特於右路配合，當他們缺態即刻癱瘓，雖然上場作客大勝水晶宮5比1，但沙卡喺上半場已因傷下火線，估計至少要抖2個月，對進攻影響甚大，連後備翼鋒史達寧都打柴，火力大減。
- 另邊廂，葉士域治戰績低迷，近5場只得1勝4負，不過要留意，這4場敗仗中，有3場僅輸1球，要擊敗葉軍都不容易，加上中場悍將森摩斯要坐波監，隨時踢得更龜縮。阿仙奴近3場聯賽主場，全開3球或以下，捧細盤[3.5球]最上算。
© 樂古娛樂. All Rights Reserved.
© 樂古娛樂. All Rights Reserved.